De Podcast vun der Fédération des Artisans, an deem seriö Sujeten an engem méi lockere Kader a mam néidege Bëss behandelt ginn. An all Episod empfänkt d’Vize-Präsidentin Alexa Ballmann en neien Invité a schwätzt mat dëser Persoun iwwert e pertinent Thema aus de Beräicher Artisanat an Entreprenariat. Nieft Keyfacts an Insights aus den entspriechenden Dossieren ass och Plaz fir méi pickeg Froen, déi d'Alexa Ballmann vun de Memberen, der Press oder vun aneren Akteuren um Lëtzebuerger Marché opgräift. E Podcast produzéiert vum Studio J.
Wéi moderniséiere mir d'Aarbechtsbezéiungen zu Lëtzebuerg?
D'Alexa Ballmann schwätzt mam Aarbechtsminister Marc Spautz iwwer Aarbechtszäit, Kollektivverträg, Mindestloun, KI an d'Zukunft vun der Lounaarbecht. A virun allem: Produzéiert eis Sozialpartnerschaft nach Léisungen – oder blockéiert si Reformen?
Kommt mol an de Büro!
Eng Entreprise verkafen oder iwwerhuelen – dat kléngt oft no Zuelen a Kontrakter.
Mee am Handwierk geet et meeschtens ëm vill méi: ëm Vertrauen, Verantwortung an d'Fro, wéi e Liewenswierk weidergeet.
An dëser Episod schwätzt d'Alexa Ballmann mam Joubin Bashiri vun Tenzing Partners iwwert déi grouss Froen hannert dem Kaf a Verkaf vun Handwierksbetriber – konkret, éierlech a mat Ablécker aus der Praxis.
Cyberattacken treffen ëmmer méi Handwierksbetriber – dacks ouni Virwarnung, an d’Konsequenzen si massiv: Blockéiert Systemer, wirtschaftleche Schued, Verloscht vu Vertrauen.
An der neier Episod vu Komm mol an de Büro schwätzt d'Alexa Ballmann mam Goy Grosbusch a mam Jean-Marc Sertic iwwert d’Realitéit hannert engem Ugrëff, wat am Noutfall ze maachen ass a wéi Betriber sech schütze kënnen.
Eng Episode fir all Entrepreneur, dee säi Betrib an d’Zukunft sécher wëll maachen.
De Sozialdësch ass eriwwer.
Probleemer bleiwen zu engem gudden Deel bestoen: Wéi geet et weider mat de Renten, wéi kréie mer eis Ekonomie erëm un d'Lafen a wéini maache mer endlech Neel mat Käpp am Dossier vun den Independant?
Dëst Thema hu mer mam Premierminister Luc Frieden beschwat.
Luc, komm mol an de Büro.